\
\
••.•`¯°•.•• ( الـسـلام عـلـيـكـم و رحـمـة الله و بـركـاتـه ) ••.•°¯`•.••
اهتمامي في الميك اب كلش خفيف بالنسبة حق صديقاتي :lol: فقلت با سوي موضوع
احط فيه كل تجاربي في الميك اب من ناحية البراندز و الاشياء السلبية و الايجابية اللي
في المنتج اللي استعملتها ، و اقارن نفسي بهم اذا انه مهووسة بالميك اب واللا شوي
مع العلم انه اهم شي عندي اهوا المسكارا و البلاشر :adore:
في ذي الموضوع راح اتكلم عن الفونديشن ، البودرة ، الكونسيلر ، البلاشر ، الاي لاينر ،
الاي شادو ، المسكارا ، محدد الشفايف ، مرطبات الشفايف ، الارواج ، النيل بولش .
و ان شاء الله مع نهاية الموضوع اكون افدتكم بتجاربي .
* ضغطو على اسم المنتج عشان تجوفون الصورة . لسهولة التصفح .
بسم الله نبدأ
1 : الفونديشن
كلينيك : خفيف و ما كان ثقيل على البشرة و هالبراند تمتاز بالمواد الغير معطرة فيعني
ما تسبب حساسية للبشرة . ( ما عجبني )
ريميل : خفيف و بعد ما كان ثقيل على البشرة يصلح للميك اب اليومي او الصباحي . ( عجبني )
لوريال : جربت الفونديشن بودر ، عجبتني واايد لانه كنت استعمل المرطب اول و تالي احط الفونديشن بودر .
( عجبني )
لانكوم : استعملت الفونديشن الموس ، وااااايد حلو عجبتني تغطيته و يخلي البشرة مخملية
و في منتج مثلة حلو من مايبيلين اذا حبيتو منتج اقتصادي . ( عجبني )
2 : البودرة
ماكس فاكتور : مادري ليش حبيت هالبودرة مع اول تجربة لي معاها كانت فااااااشلة مادري يمكن
لاني ما اخذت الدرجة الصحيحة لبشرتي :lol: ، بس احين استعملها على طول و تغطيتها حلوة و
طبيعية . ( عجبتني )
لانكوم : تغطيتها خفيفة و حلوة في البداية بس مادري ليش تختفي بسرعة !!؟؟ ( 50\50 )
لوريال : تغطيتها طبيعية جداً و تصلح للوكات اليومية و جربت البوردة اللؤلؤية و كانت حلوة بحيث
ان البودرة قسمين ( قسم بودرة للوجه و القسم الثاني لمعة تنحط تحت العين او تحت الحاجب )
حبيت هالبودرة لانها تستعمل لاكثر من غرض في نفس الوقت . ( عجبتني )
3 : الكونسيلر
ريميل : حبيته و زين للشوائب الخفيفة و البسيطة ، كنت استعمله ساعات تعويضاً عن الفونديشن
و بعدين احط عليه البودرة :D ( واااااايد عجبني )
ماكس فاكتور : فاشل !!! مادري ليش ما حبيته كان قوامه وااايد دهني بشكل مقرف كلش ما حبيته.
4 : البلاشر
مايبيلين : نااعم و بسيط احب استعمله للصبح و فيه لمعه خفيفة . ( عجبني )
NYX : حلو و الوانه قويه و ثابته . ( عجبني )
برجوا : حلـــــــــــو ( عجبني )
5 : الايلاينر
GOSH : رطب و الوانه واايد حلوة ، سهل انه يطير :( ( عجبني )
مايبيلين : ما حبيته تحسست عيني منه ( ما عجبني كلـــــــــــــش )
برجوا : استعملت الاسود اللي ضد الماي ، رووعه قليلة في حقه . ( عجبني )
سمايلي : سواده واايد حلو بس الكريه فيه انه يسيح بسهولة على اطراف العين
و يلعوز بشكل فظييع . ( 50\50 )
6 : الاي شادو :
مبروك : شدو مائي ، وااايد حلو عجبني ثباته ( عجبني )
ريميل : حلو و خفيف ( عجبني )
NYX : حبيتهم واايد حلوين و الوانهم بعد حلوة ( عجبني )
7 : ماسكارا
مايبيلين : 1 وااايد حلوة عجبتني واايد واايد و للاسف هب موجودة في الخليج اخذها من برع لين
سافرت و ممكن
تطلبونها من النت . ( عجبتني واايد )
2 كلش ما حبيتها .
لوريال : 1 العادية وايد حلوة ( عجبتني )
2 الووتر بروف بعد زينه بس تتعبني لين ابي اشيلها لازم استعمل فازلين او مزيل
مكياج . ( 50\50 )
لانكوم : وااايد حلوة تعجبني مادري شلون ترسم الرموش بطريقة جذااااابة !! ( عجبتني )
كلينيك : للحين ما فتحتها ، محطوطة في الدرج من زمان :lol:
8 : محدد الشفايف
استعمل شركات عادية اخذهم من نجمة الخليج ، و اكثر شي اللي اخذه
هو قولدن روز . حلو :D
9 : مرطب الشفايف :
لابيللو : واايد حبيت التشكيلة اليديدة فيها لمعة و ترطيب اكثر .
بالمرز : واايد حلو استفدت منه واايد من حيث الجفاف .
10 : الارواج
NYX : ( عجبني )
1 حلويين بس بعد مدة لين يختفي الروج يتم الروج على اطراف الشفايف بحيث اللي يشوفه
يقول اني حاطة محدد خالي .
2 حلوين و فيهم لمعة حلوة بعد .
لانكوم : واااااااااايد حلوين و لمعتهم احلى و احلى . ( عجبني )
ريميل : جربت روج واحد منهم بس حلو بس مادري ليش سنتر بوينت ماييب الوان اكثر ؟؟!!
برجوا : 1 جربت هالروج حلو بس شوي جاف !!
2 بس هذي النوع وااايد حلو
ماك : طبعاً غني عن التعريف !!!
11 : النيل بولش
O.P.I غني عن التعريف !!
برجوا : 1 خذت من عندهم الطقم مال الفرنش مانيكير
2 بس ذي النوعية كلش ما عجبتني احسها تتراكم على الظفر و تتقشر !!!
ريميل : الوانهم فظيعا و فيها قلتر :adore:
نيفيا : بعد حلوين :adore:
Inglot :حلوين بس ما عجبني كولكشن المات !!!
هذي كل اللي في جعبتي :lol: ان شاء الله استفدتو F: .
F:
الموضوع جهد شخصي ، حصري لمنتديات عروس و ممنوع النقل
و لو ذكر المصدر و اسم العضو .
